診梁培熙放假，又黎一晚STAYCATION。
今次想試下MGM，因為包MOP800 FOOD CREDIT，間房約$1400，幾低。
先攞咗房，中午約公公婆婆去純飲茶，因為之前拜山去食過，我覺得點心真係唔錯。
叫左2個LUNCH 點心SET，呀仔見到有魚好開心～
間房係紅色樓層，第一眼真係有點紅，床唔大，得6尺，但係間房就好高科技，啱哂「㩒制」控既呀仔～間房係望ST REGIS個邊，景觀就麻麻。
晚上就約咗姑姐同GRANDMA 食濤岸，真係好好食。尤其係PIZZA。不過呀仔仲要慢慢學習食唔同嘢。
我係房見到個泳池，我真係好想落去游水，但個池個位朝早無太陽，又大風，應該都係游唔到，最曬係中午。
最驚喜真係早餐，早餐係濤岸食自助早餐，食材高質素，令我有返去家鄉既感覺。呀仔應該係咁多餐食得最多野啦，有哂平時佢鐘意食但我又少俾佢食既野，好似WAFFLE，果醬，乳酪等～佢好開心～我都好開心。
另一樣野令呀仔高興係可以搭輕軌～個站好近，開心死呀仔。
所以決定要係呀仔生日再住！
美中不足係間房真係唔多BABY FRIENDLY。
今次輪到跟姑姐及堂家姐一齊去 Staycation。
今次改改策略。同姑姐堂家姐一齊食咗LUNCH先去CHECK-IN。
呀仔非常興奮～
我地間房係姑姐間房對面，係套房，難得天氣好，我想去玩水先，不過老公話要俾個仔訓先。
間房太多嘢吸引個仔，佢都唔肯訓。
大約2點訓到3點，醒咗見到包呀仔要食，跟住快D 去Q 立方。做呀媽就係要陪個仔爬高爬低。
趁有時間就上埋鐵塔先～風景好靚，個 package 真係好低玩～
晚餐就去食 Urban Kitchen
第二朝就去玩水世界，個天陰陰，趁無落雨就即刻落去水世界，點知職員話有雷暴警告，唔可以去～叫我地等下
我地係落住雨玩，其實就唔係好凍，不過始終小朋友就差D，呀仔完全唔驚水啦，佢仲玩得好開心，有人陪佢玩丫～
不過玩玩下，呀仔話要尿尿，佢唔肯用尿袋，焗住老豆落住大雨抱佢入酒店去廁所。
尿尿完，雨又細番，又玩過。
中午就飯茶啦～
不過下午個仔就病咗，要睇醫生了。
原本訂左住 Hyatt 個房連 Mezza 9 package，不過後來老公揾到 MO 有個國慶 package包雙人早餐及自助晚餐，就不如住MO。
我自己就好想住 MO，以前去曼谷都未住過，因為幾貴。今次就安排同個仔去雅文湖畔西洋菜食中午，第一次連飯都唔帶。之前呀仔食過，佢都幾鐘意西洋菜既Carbonara，出門口前又俾咗個無花果佢，嘔屎應該無間題。
太感動，完全唔帶食物出街真係輕鬆好多。老公都覺得食物OK。怕呀仔食唔夠菜，叫咗個 kids menu，有蕃茄汁長通粉，青豆粟米，炒蛋，薯條。我以為個仔唔會食長通粉，可能個汁甜甜地，佢好LIKE，食下一倏又一條，令我喜出望外，再加$7 點咗杯蘋果汁，放到最後先繼少繼少俾佢。另外有叫蒜蓉包，Carbonara，烤雞。呀仔最鐘意食蒜蓉包，要限住佢食先得，難得 staycation，就俾佢佷少少薯條啦。PS: 我仲要緊張度早咗出車，去到仲要泊咗車等咗15分鐘先行去間餐廳。
食完大約1:30，去MO。代客泊車，不過因為停車場滿咗，要暫時泊住係車道。不過由泊車嗰刻起，我就對MO 超有好感，佢既 service 真係好好。
其實真係為咗可以睇10.1煙花，我哋原本 package 間房係睇唔到煙花，所以老公決定 upgrade 間房，俾多三佰。不過可以因為做緊 promo ，排隊等 check-in 比較耐，只有2個 counter。我哋間房係911 呀~ 我掛住影，個仔要[禁]鐘，個 staff 就抱起呀仔~ 好貼心。
景房個景真係無敵~ 望住南灣湖同旅遊塔。
趁天氣好，真係想同個仔落泳池。 個仔都好興奮，入到去周圍搞，要捉去訓覺，不過佢一落床，唔夠5分鐘就訓咗。老公話張床係 Sealy Mattress，不過呢個又真係住幾次酒店第一次咁快訓著。
大約4:00 去泳池，不過好大風，唔敢玩太耐，我都覺得D 水有點凍。不過始終天氣唔好，個天比較暗，如果唔係影相位 "I'm Afan" 一定好靚。個仔一D都唔驚水，佢自己游~ 好自在。上水前浸下個 jacuzzi，D 水好暖。
玩左約40分鐘，上房即刻加幾滴 ginger 浸浴，3個一齊浸，好耐無試過，望住旅遊塔，呢個 moment 無價。
行去 One Central，人都唔多個，好彩只係住一晚，MO 真係無咩好搞。
去酒店2樓餐廳食晚飯，唔。。。 熱盤選擇唔多，唯有等老公返來我出去睇下有咩啱個仔食，都係炒飯意粉咁。
不過，意外地，個仔肯食~ 佢話個豬肉好食，好似係西班牙黑毛豬肉卷，其實D料食得出係靚，只不過太少款。但係點解無飲品及甜品呢?菜只有抄四季豆，搞到我連食芝士既青題子都要攞埋當菜俾個仔。
但睇得出個仔好開心，雖然行商場唔多LIKE，叫佢影燈飾又唔合作，不過食野又幾乖，叫去游水又話唔去游水唔出去要係間房到，落到水又唔肯上水個種囉，心真累，不過間房好舒服~
我地約咗婆婆8:45 上房一齊睇煙花，當我同老公抱怨緊個自助餐唔得時，個侍應見我地走就話好快可以去餐廳另外一邊睇煙花，食D甜品先走啦，原來係我地冤枉咗佢，有甜品嫁，個仔見到爸爸攞番黎既甜品第一時間揀咗 chocolate macaroon.
呀仔怕黑唔准我地息燈睇煙花，要抱住佢睇。
估唔到佢又幾LIKE BBC Ceebies channel 既卡通片~
睇到唔願訓，不過一落床又秒睡，如果係屋企都係咁幾好~
起身去1樓食自助早餐~
呀仔好好胃口，食好多嘢，滿足~
中午係MO 食完飯返屋企，佢真係好鐘意食蛋糕，有人指明要"PINK BLOOM" (earl grey mousse cake) :P
個仔唔扭計真係好得意~
9月初呀仔開始和表弟返同一所托兒所。
第一個星期呀仔表現如常，跟往常一樣喜歡返學。
第二個星期開始，呀仔每天早上都上演一齣 "唔要返學" 的戲碼，弄得爸媽身心疲憊。
每天放工回家就上演一場 "篤灰"，每天呀仔都不厭其煩地說:【鉑皓又打人。】【打人啱唔啱嫁? 鉑皓打人。】
我搞不懂呀仔不願意上課是因為表弟還是因為學校最近來了幾位新老師。不願意返學是上了半年從未發生過的事。
我嘗試從另外一個角度了解呀仔和表弟的關係，我問他:【你喜歡和紀紀玩還是和鉑皓玩?】他回答說:【我想同紀紀同鉑皓一齊去中央公園。】所以，我也搞不懂他們的關係。
老公跟我吐糟說:【日後他上幼稚園必定是天天跟老師打小報告的小孩。】
希望不願上學這個狀態快點過去。
當最讓我們頭痕的食飯問題得到改善時，又有另外一個問題出現。這就是湊孩子吧。
我覺得食飯問題得到改善，或多或少是因為暑假我們帶個仔去了幾次 Staycation，他也長大了一些，比之前願意嘗試新食物。之前呀仔抗拒吃蔬菜 (西蘭花除外)，我們就鼓勵他要先吃點菜才能吃肉 (他最愛吃肉)。
針對他的牙齦發展，我們也從他2歲半開始把菜，肉等剪成較大塊，亦要求他整朵西蘭花吃。他仍然抗拒吃一整棵菜心，不過切成小段他肯吃。昨天晚上我們要他吃少少苦瓜。
這幾天很忙很忙。
星期六是契爺坐夜，事前毫無先兆，原來他已經早幾天因癌症離開了。
心出發要9:00前到港澳碼頭集合，呀仔未訓醒都沒辦法了，要趕著出門。
SHIT! 不知是不是因為我想為呀仔既水樽加水是沒有把樽蓋擰好，到我發現時我個背囊已經濕了，有半樽水倒了。紙巾根本不能把所有水沒掉，唯有用上呀仔的沙巾。我的褲也濕了。
SHIT! 個仔扭計唔肯同隻馬影相，當初報這個團主要為了讓個仔同馬兒合照，比他還要少的男孩也不怕，偏偏他就是不肯。
天氣又熱，褲又濕，偏偏他就在這個時候扭計，我氣炸了。
最後給他看看GOOGLE 的馬仔照片，氹下，得左。能拍了幾張合照。
下一站，新葡京，SHIT! 又倒了半樽水。
當下我想立即回家，甚麼好心情也沒有了。
看完新葡京的珍寶就去參觀2間套房，一間是位於35樓的套房(每晚房價為HKD48,000)，另一間是在34樓的套房(每晚房價為HKD28,000)。
領了食劵後去3樓的 Don Alfonso 食午餐 (Don Alfonso Menu)
這次豁了出去了，第一次沒有帶寶寶粥，媽媽是鐵了心讓呀仔食街外食物。出乎意料，呀仔勁鐘意食水牛芝士，連車厘茄我都可以氹他食少少。他基本上除了 Angel Hair 不太鐘意之外，樣樣都有試些~ 他特別欣賞 個 bread basket，尤其是 bread stick.
Starter 1: 水牛芝士配甜椒及車厘茄伴銀魚柳 (呀仔超LIKE 水牛芝土)
Starter 2: 煙燻有機雞胸配黃瓜冰、陳年黑醋汁及柑橘 (呀仔超LIKE 雞胸，暖暖地)
Pizza or Pasta 1: 天使幼麵伴海蝦 (可能個汁比較濃，呀仔唔多LIKE，又唔要蝦)
Pizza or Pasta 2: 拿坡里特色薄餅配辣腸、意大利煙肉、蕃茄汁及水牛芝士 (就呀仔，走了辣腸，呀仔好鐘意個餅皮，尤其係個邊)
Main Course 1: 香煎龍脷魚配青蘆筍及菠菜伴朝鮮薊 (俾個仔試下蘆筍)
Main Course 2: 澳洲西冷配時蔬伴荷蘭汁 (要食埋伴碟既青豆~)
Dessert 1: Brownie & Kumquat Sorbet
Dessert 2: Vanilla, Chocolate & Hazenut Ice cream
這個假期是年初申請的，原來打算用來陪太子上K1。
因為種種原因，今年不入K1了，所以這個假期就變成 Staycation. 9月酒店比8月平很多。
今次是入住澳門大倉酒店，而且公公婆婆也一起住。
呀仔知道要住酒店，嚷著說不要上托兒所了~
因為之前住過幾次銀河的酒店，對於整理行裝，可謂駕輕就熟。
由於客人不多，酒店前台的服務比之前入住更貼心，在辧理手續期間，有服務員送了一隻紙鶴給呀仔，還升級了其中一間房間至內園景觀，樓層也比上一次稍高，至23樓 (2330 及 2335)。
天浪淘園的設施我們都很熟悉了，不過最讓我意外是婆婆似乎很喜歡玩衝浪，是因為抱著不要吃虧的心態就不知了，不過我相信或多或少是因為兩老想陪呀仔玩，連不暗水性的公公也去衝浪。
晚上去萬豪食中菜，它的粵菜真的很出色，是至今為止我認為最出色的粵菜。我們點了一個4人套餐，其中黃金蝦球非常好吃，呀仔最欣賞炒牛肉。有魚有肉有菜，再加上婆婆帶來的無花果，不用擔心呀仔無屎屎啦~
回酒店的路上，婆婆鍥而不捨問呀仔要不要跟婆婆同房，可惜這小子堅決不肯，傷透婆婆的心。
第2天早上繼續去衝浪，而大少一如既往，整天說不要去泳池，不要玩水。
中午去食金悅軒，呀仔在食方面有了進步，今次肯試了叉燒包，叉燒腸，馬拉糕等~ 而且差不多吃了整個叉燒包。返而寶寶粥就食得不多。生果方面也肯試了火龍果。
下午小睡後就去JW那邊玩酒流，呀仔 like，不過兩老就麻麻了。
晚上是上食期待已久的 Mezza 9，果然名不虛傳。放底個仔，立刻同老公出去看看有甚麼適合個仔食，先點魚湯浸茶心，清蒸鮑魚，清蒸龍虎斑，薑蔥炒龍蝦，炭燒穀飼雞胸，炭燒西冷排。
樣樣都很好吃~ 連我這麼怕吃魚都覺得魚很甜很滑!
先給呀仔吃些菜，再吃些魚肉等，不過他似乎未能接受龍蝦呢~
甜品SET 夠驚艷，不過飽了，不能吃太多~ 尤其自家雪糕，brownie，椰王布甸...
不知為何，今次很累，晚上回來就早早上床睡覺，只是呀仔每晚都想玩多一陣，不想那麼早就睡覺，但他每天都自己醒來，是早上7點已經起床了。
最後一天的早上是太陽最曬的一天。把握機會同呀仔去嬉水區玩水，婆婆公公就自己走去衝浪了。
總的來說，這是一個行程滿滿的美食之旅。不經不覺就完成3日2夜的小旅行了。
呀仔比上次去JW時高了，今次不需要抱起上廁所，自己可以了。
BTW, 約2歲7個月開始呀仔英文好似進步了，初初由講我地教既簡單句子， 好似 I like apple，到近來開以自己改字了，例如 I like snake, I like 屎屎。No apples on my hand. 久不久又會彈句英文句子出來。
