Sep 10, 2020 - 2歲8個月19日 (32m19d)

9月初呀仔開始和表弟返同一所托兒所。

第一個星期呀仔表現如常，跟往常一樣喜歡返學。

第二個星期開始，呀仔每天早上都上演一齣 "唔要返學" 的戲碼，弄得爸媽身心疲憊。

每天放工回家就上演一場 "篤灰"，每天呀仔都不厭其煩地說:【鉑皓又打人。】【打人啱唔啱嫁? 鉑皓打人。】

我搞不懂呀仔不願意上課是因為表弟還是因為學校最近來了幾位新老師。不願意返學是上了半年從未發生過的事。

我嘗試從另外一個角度了解呀仔和表弟的關係，我問他:【你喜歡和紀紀玩還是和鉑皓玩?】他回答說:【我想同紀紀同鉑皓一齊去中央公園。】所以，我也搞不懂他們的關係。

老公跟我吐糟說:【日後他上幼稚園必定是天天跟老師打小報告的小孩。】

希望不願上學這個狀態快點過去。

當最讓我們頭痕的食飯問題得到改善時，又有另外一個問題出現。這就是湊孩子吧。

我覺得食飯問題得到改善，或多或少是因為暑假我們帶個仔去了幾次 Staycation，他也長大了一些，比之前願意嘗試新食物。之前呀仔抗拒吃蔬菜 (西蘭花除外)，我們就鼓勵他要先吃點菜才能吃肉 (他最愛吃肉)。

針對他的牙齦發展，我們也從他2歲半開始把菜，肉等剪成較大塊，亦要求他整朵西蘭花吃。他仍然抗拒吃一整棵菜心，不過切成小段他肯吃。昨天晚上我們要他吃少少苦瓜。

Sep 7, 2020 - 心出發之澳門賽馬會及新葡京之旅

這幾天很忙很忙。

星期六是契爺坐夜，事前毫無先兆，原來他已經早幾天因癌症離開了。

心出發要9:00前到港澳碼頭集合，呀仔未訓醒都沒辦法了，要趕著出門。

SHIT! 不知是不是因為我想為呀仔既水樽加水是沒有把樽蓋擰好，到我發現時我個背囊已經濕了，有半樽水倒了。紙巾根本不能把所有水沒掉，唯有用上呀仔的沙巾。我的褲也濕了。

SHIT! 個仔扭計唔肯同隻馬影相，當初報這個團主要為了讓個仔同馬兒合照，比他還要少的男孩也不怕，偏偏他就是不肯。

天氣又熱，褲又濕，偏偏他就在這個時候扭計，我氣炸了。

最後給他看看GOOGLE 的馬仔照片，氹下，得左。能拍了幾張合照。

下一站，新葡京，SHIT! 又倒了半樽水。

當下我想立即回家，甚麼好心情也沒有了。

看完新葡京的珍寶就去參觀2間套房，一間是位於35樓的套房(每晚房價為HKD48,000)，另一間是在34樓的套房(每晚房價為HKD28,000)。

領了食劵後去3樓的 Don Alfonso 食午餐 (Don Alfonso Menu)

這次豁了出去了，第一次沒有帶寶寶粥，媽媽是鐵了心讓呀仔食街外食物。出乎意料，呀仔勁鐘意食水牛芝士，連車厘茄我都可以氹他食少少。他基本上除了 Angel Hair 不太鐘意之外，樣樣都有試些~ 他特別欣賞 個 bread basket，尤其是 bread stick. 

Starter 1: 水牛芝士配甜椒及車厘茄伴銀魚柳 (呀仔超LIKE 水牛芝土)

Starter 2: 煙燻有機雞胸配黃瓜冰、陳年黑醋汁及柑橘  (呀仔超LIKE 雞胸，暖暖地)

Pizza or Pasta 1: 天使幼麵伴海蝦 (可能個汁比較濃，呀仔唔多LIKE，又唔要蝦)

Pizza or Pasta 2: 拿坡里特色薄餅配辣腸、意大利煙肉、蕃茄汁及水牛芝士 (就呀仔，走了辣腸，呀仔好鐘意個餅皮，尤其係個邊)

Main Course 1: 香煎龍脷魚配青蘆筍及菠菜伴朝鮮薊 (俾個仔試下蘆筍)

Main Course 2: 澳洲西冷配時蔬伴荷蘭汁 (要食埋伴碟既青豆~)

Dessert 1: Brownie & Kumquat Sorbet

Dessert 2: Vanilla, Chocolate & Hazenut Ice cream

Staycation 4 @ Okura Hotel (Sep 2 - Sep 4, 2020)

這個假期是年初申請的，原來打算用來陪太子上K1。 

因為種種原因，今年不入K1了，所以這個假期就變成 Staycation. 9月酒店比8月平很多。

今次是入住澳門大倉酒店，而且公公婆婆也一起住。

呀仔知道要住酒店，嚷著說不要上托兒所了~

因為之前住過幾次銀河的酒店，對於整理行裝，可謂駕輕就熟。

由於客人不多，酒店前台的服務比之前入住更貼心，在辧理手續期間，有服務員送了一隻紙鶴給呀仔，還升級了其中一間房間至內園景觀，樓層也比上一次稍高，至23樓 (2330 及 2335)。

天浪淘園的設施我們都很熟悉了，不過最讓我意外是婆婆似乎很喜歡玩衝浪，是因為抱著不要吃虧的心態就不知了，不過我相信或多或少是因為兩老想陪呀仔玩，連不暗水性的公公也去衝浪。

晚上去萬豪食中菜，它的粵菜真的很出色，是至今為止我認為最出色的粵菜。我們點了一個4人套餐，其中黃金蝦球非常好吃，呀仔最欣賞炒牛肉。有魚有肉有菜，再加上婆婆帶來的無花果，不用擔心呀仔無屎屎啦~

回酒店的路上，婆婆鍥而不捨問呀仔要不要跟婆婆同房，可惜這小子堅決不肯，傷透婆婆的心。

第2天早上繼續去衝浪，而大少一如既往，整天說不要去泳池，不要玩水。

中午去食金悅軒，呀仔在食方面有了進步，今次肯試了叉燒包，叉燒腸，馬拉糕等~ 而且差不多吃了整個叉燒包。返而寶寶粥就食得不多。生果方面也肯試了火龍果。

下午小睡後就去JW那邊玩酒流，呀仔 like，不過兩老就麻麻了。

晚上是上食期待已久的 Mezza 9，果然名不虛傳。放底個仔，立刻同老公出去看看有甚麼適合個仔食，先點魚湯浸茶心，清蒸鮑魚，清蒸龍虎斑，薑蔥炒龍蝦，炭燒穀飼雞胸，炭燒西冷排。

樣樣都很好吃~ 連我這麼怕吃魚都覺得魚很甜很滑!

先給呀仔吃些菜，再吃些魚肉等，不過他似乎未能接受龍蝦呢~

甜品SET 夠驚艷，不過飽了，不能吃太多~ 尤其自家雪糕，brownie，椰王布甸...

不知為何，今次很累，晚上回來就早早上床睡覺，只是呀仔每晚都想玩多一陣，不想那麼早就睡覺，但他每天都自己醒來，是早上7點已經起床了。

最後一天的早上是太陽最曬的一天。把握機會同呀仔去嬉水區玩水，婆婆公公就自己走去衝浪了。

總的來說，這是一個行程滿滿的美食之旅。不經不覺就完成3日2夜的小旅行了。

呀仔比上次去JW時高了，今次不需要抱起上廁所，自己可以了。

BTW, 約2歲7個月開始呀仔英文好似進步了，初初由講我地教既簡單句子， 好似 I like apple，到近來開以自己改字了，例如 I like snake, I like 屎屎。No apples on my hand. 久不久又會彈句英文句子出來。

Staycation 3 @ JW Marriott (Aug 3 - 5, 2020)

Aug 1 (六) 三號風球, 我真心覺得自己烏鴉口, 打風前跟老公說好像很久沒有颱風了. 怎想到突然除了接著一星期的大雨, 還加上颱風了 (星期五放工前收到消息).. 下星期一就住酒店了.

放工前我還在想, 能否改假?

我的 Staycation 怎麼辦好呀?

Anyway, 既來之則安之.. 房已經訂了, 錢也付了, 問過旅行社, 是不能取消

星期一早下還下著雨...

而我們也只能照執玩水的用品, 希望還有機會去天浪淘園...

好彩, 接近中午, 雨停了... 早上大少還要返蒙特梭利, 接完大少放學, 回家午睡後我們先出發.

一CHECK IN, 趁天氣還好 (只是天陰), 即刻去泳池及天浪淘園.

JW 個泳池好靚, 不過落過雨, 水有點凍.

同個仔玩下游水, 再轉場去天浪淘園近JW 那邊的沙灘

比上次來多了很多人, 可能因為早上天氣關係, 全部都趁下午來玩, 周圍人山人海

呀仔唔要落水, 自顧自地玩沙~

Day 2 

起身第一件事係 check 下天氣, 太好了, 竟然出太陽, 雖然還有些黑雲

但總比之前天氣預告的狀況好

天浪淘園一開就去玩啦~ 今日先挑戰沖浪

個仔好 enjoy~ 太陽唔太曬, 好好玩~

之後再去沖浪隔離個小童玩水區, 上次黎, 呀仔唔肯玩, 唔鐘意D 水射到佢對眼

今次一開始佢只係想去用水桶載水玩沙, 之後因為玩到太g 1 (六) 三號風球, 我真心覺得自己烏鴉口, 打風前跟老公說好像很久沒有颱風了. 怎想到突然除了接著一星期的大雨, 還加上颱風了 (星期五放工前收到消息).. 下星期一就住酒店了.

放工前我還在想, 能否改假?

我的 Staycation 怎麼辦好呀?

Anyway, 既來之則安之.. 房已經訂了, 錢也付了, 問過旅行社, 是不能取消

星期一早下還下著雨...

而我們也只能照執玩水的用品, 希望還有機會去天浪淘園...

好彩, 接近中午, 雨停了... 早上大少還要返蒙特梭利, 接完大少放學, 回家午睡後我們先出發.

一CHECK IN, 趁天氣還好 (只是天陰), 即刻去泳池及天浪淘園.

JW 個泳池好靚, 不過落過雨, 水有點凍.

同個仔玩下游水, 再轉場去天浪淘園近JW 那邊的沙灘

比上次來多了很多人, 可能因為早上天氣關係, 全部都趁下午來玩, 周圍人山人海

呀仔唔要落水, 自顧自地玩沙~

Day 2 

起身第一件事係 check 下天氣, 太好了, 竟然出太陽, 雖然還有些黑雲

但總比之前天氣預告的狀況好

天浪淘園一開就去玩啦~ 今日先挑戰沖浪

個仔好 enjoy~ 太陽唔太曬, 好好玩~

之後再去沖浪隔離個小童玩水區, 上次黎, 呀仔唔肯玩, 唔鐘意D 水射到佢對眼

今次一開始佢只係想去用水桶載水玩沙, 之後因為玩到太忘形, 突然話要去尿尿, 講完已經瀨左係沙到, 佢喊住要換褲, 我同佢講無褲換, 叫佢去水柱沖沖, 下次記得早D同媽媽講要去尿尿, 之後媽媽自己去玩沖浪, 爸爸睇住佢, 我玩完返黎, 佢已經克服左, 仲玩水玩得好開心, 唔怕了.

本來打算約12:00 離開返房, 叫咗幾次都唔肯走, 要玩

下午有人唔肯訓午覺, 差不多5:00 先再落去玩, 老公話佢唔怕水, 就[的]佢去玩漂流, 我以為有水淋落黎, 佢應該唔想再玩, 點知去到上落點, 佢話要再玩, 玩完第二次準備走 (大風, 好似想落雨), 佢都唔肯走, 要再玩, 玩咗3次先走)

上次係唔肯玩嫁~

間房好多制, 佢開/關窗簾, 霧化玻璃窗都玩到好開心~

而且可以睇到月亮同一粒星星(星星只有媽媽見到, 佢訓咗啦)

BTW... 第二晚食 Urban Kitchen, 呀仔食咗2隻雞脾, 同好多蛋糕, 超哂標, 佢非常開心~

食百樂, 佢第一次肯食馬拉糕[紅棗馬拉糕], 食完一舊佢仲想食, 我唔俾佢食啦~ Chau Siu Bao 就點氹都唔肯食

Staycation 1 @ Banyan Tree (Jun 16 - 17, 2020)

今年因為COVID-19的關係, 無得去旅行~ 唯有留係澳門 Staycation

幾時先可以飛呀? 

第一次Staycation (6/16 -  6/17) - Banytree 

小試牛刀的一次 Staycation. 初心係5月考完幼稚園要好好輕鬆下, 而且6/15係出幼稚園結果, 希望有好消息, 順便可以慶祝下. 

幼稚園考試結果當然未能盡如人意, 不過酒店都一早訂好咗, 要好好玩番晚.

同時, 都希望讓大少多點在外用餐的機會~

間房真心大, 但不知為何, 我總覺得有一陣霉味. 我老公就唔覺得有.

因為Banytree 要下午3:00 先可以 check-in, 一放下行李, 就即刻去酒店泳池游水, 是大少今年第一次下水

呀仔帶了個泳鏡, 成個 Minion 呀 BOB 咁款, 好搞笑.

不過佢初初驚. 要捉實我地先得. 好彩落過雨有彩虹, 佢見到彩虹好開心. 不過始終係室內池, 水有少少凍. 

個晚唔知係唔係張被太厚, 佢成晚好大汗, 要不停用沙巾同佢抺頭.

第二朝 Check out 前就係房內玩個恆温池, 因為個池好淺水, 佢隻腳可以掂到個池, 所以佢自己好 enjoy 咁玩水. (不過, 一開始係不停話唔玩水, 又要出動 Ipad, 同氹佢落水先肯)

都係嗰句, 好慢熱.

Staycation 1 完滿結束~

31 Months 12 Days (2歲7個月）

看，多久沒記錄仔仔的成長點滴。

自2歲4個月開始，仔仔的語言能力突飛猛進，可以一整句話說出來 （從最初只懂得名詞，到有名詞＋動詞的簡單句子，到最近一句說話裹有名詞＋動詞＋形容詞/副詞），言語之間亦含有一定的邏輯性，近排就更加明顯了。例如：爸爸教他說「因為」，當我問他：「為甚麽不肯同媽媽玩」，他會回答說：「因為媽媽累。」當他不能給一個理由時，他會說：「因為⋯⋯」，加上與問題無關的說話。這個小子變得很有意思。

有例如：早兩天出去食晚飯的途中，婆婆告訴仔仔說：「我地會去有靚女姐姐度食飯。」仔仔回答說：「呢度有無靚女呀。」

仔仔可以很窩心。不知他是何時學會「肥」這個字。他能說「肥」，但還能白明那個字的意思。

有一次，他突然抱着我的一條腿，抬起頭笑著跟我說：「媽媽，好肥。」自此之後，我會問他：「媽媽係唔係好肥。」頭幾次，他都說媽媽肥。最近一次上床前我再問他，他回答說：「媽媽肥，熙熙都肥。」接著我問他：「你知唔知咩係肥」，他說：「不知道。」

生理上，他終於突破身高的90CM線。上一個月做保健時，身高還是差少少未到90CM。昨天給他量身高，是91CM了。長高了，可能是因為這個月每天婆婆都帶他到公園玩耍。

踏入1歲10個月

2019/10/23 (22m2d) (踏入1歲10個月)

• 開始可以講簡短既句子, 例去, 爸爸去黎/爸爸出去
• 識講多左動詞, 好似出黎, 推, 開燈, 等
• 最近變得更痴婆婆, 尤其係婆婆唔係度過夜個兩晚, 佢會訓訓下醒咗, 大喊, 要揾婆
• 出去食飯坐唔定, 食飽要落地
• 見到猴子就叫CHEEKY
• 買左玩具架俾佢放玩具, 個櫃返到黎, 就係咁攞D櫃桶黎玩
• 喜歡人餵
• 呢兩日, 唔知點解仲要攞合桃自己食, 但咬完唔吞, 吐出來, 蘋果都係
• 唔食荷蘭豆, 鐘恴好似飲湯咁倒D嘢食落口.
• 開始想令佢食野既種類闊D, 例如, 試過俾雞脾佢食
• 大人食飯佢肯食都俾佢食, 炆紅豆花生豬腳, 佢會自己[畢]紅豆, 佢鐘恴食既野唔駛叫佢都會自己搶住食
• 呢期好似比之前好D, 肯自己[畢]下
• 識多左動詞, 推, 出去, 拎, 捙車, UP, DOWN, MORNING, 要, 得, 知道, VERB+OBJECT 既句子結構
• 10/29 (22m8d) 放左巴士既滑梯俾佢玩, 初初有D驚, 跟住玩到唔俾爸爸收起條滑梯